اسلام آباد: (ویب ڈیسک) ملک میں مسلسل ساتویں ہفتے بھی مہنگائی کا راج برقرار رہا، رواں ہفتے بھی 29 اشیائے ضروریہ مزید مہنگی ہو گئیں۔
ادارہ شماریات کے مطابق حالیہ ہفتے برائلر مرغی 12 روپے 20 پیسے فی کلو، آلو 2 روپے 54 پیسے، باسمتی چاول 1 روپے 35 پیسے، لہسن 2 روپے 51 پیسے اور دال مونگ 1 روپے 22 پیسے فی کلو مہنگی ہوئی۔
رپورٹ کے مطابق 20 کلو آٹے کا تھیلا 6 روپے 67 پیسے جبکہ مٹن بھی 3 روپے 33 پیسے مہنگا ہوا، دال مسور، دال ماش، پیاز اور گھی کی قیمت میں بھی اضافہ ہوا۔
دوسری جانب رواں ہفتے ٹماٹر 22 روپے 6 پیسے، دال چنا 1 روپے 48 پیسے فی کلو اور ایل پی جی کا گھریلو سلنڈر 11 روپے 51 پیسے سستا ہوا، 17 اشیائے ضروریہ کی قیمتوں میں استحکام رہا۔
