سپریم کورٹ میں ججز تعیناتی کے معاملے پر خیبرپختونخوا بارکونسل کا ہڑتال کا اعلان

پشاور: (ویب ڈیسک) سپریم کورٹ میں ججز تعیناتی کے معاملے پر خیبرپختونخوا (کے پی) بار کونسل نے ہڑتال کا اعلان کر دیا۔
خیبرپختونخوا بارکونسل کی جانب سے کہا گیا ہےکہ کل وکلا صوبے بھر کی عدالتوں میں پیش نہیں ہوں گے۔
خیبرپختونخوا بارکونسل کا کہنا ہےکہ پشاور ہائی کورٹ کے سینیئر ججز کے نام تعیناتی کے لیے زیر غور نہیں لائےگئے، ہمیشہ سے سینیارٹی اصول کو نظر انداز کیا جارہا ہے۔
خیبرپختونخوا بار کونسل نے مطالبہ کیا ہےکہ سپریم کورٹ میں یکساں نمائندگی کے لیے قانون سازی ہونی چاہیے، سینیارٹی اصول پر من وعن عمل درآمد کو یقینی بنایا جائے۔