وفاقی وزیر سردار اویس احمد سے میاں اکرم فرید کی ملاقات

اسلام آباد (اسٹاف رپورٹر)اسلام آباد چیمبر آف کامرس اینڈ انڈسٹری کے سابق صدر میاں اکرم فرید نے وفاقی وزیر برائے توانائی سردار اویس احمد خان لغاری سے ملاقات کی اور حکومت کی جانب سے توانائی کی مارکیٹ میں کی جانے والی حالیہ اصلاحات پر تبادلہ خیال کیااور انڈپینڈنٹ سسٹم اینڈ مارکیٹ آپریٹر فریم ورک کے تحت حال ہی میں شروع کی جانے والی چار سو میگاواٹ بجلی کی وہیلنگ نیلامی بزریعہ کمپٹیٹو ٹریڈنگ بائی لیٹرل کانٹریکٹ مارکیٹ کے مختلف پہلووں پر گفت و شنید کی گئی۔ ۔ وفاقی وزیر اویس لغاری نے اس عزم کا اعادہ کیا کہ گرڈ کی صلاحیت کو نجی شعبے کے لیے کھولنے کا مقصد مارکیٹ میں صحت مند مقابلے کو فروغ دینا اور بالآخر صنعتی شعبے کے لیے لاگت کو کم کرنا ہے۔ انہوں نے ملک کے پاور نیٹ ورک کو جدید بنانے کے لیے پبلک پرائیویٹ اشتراک کی اہمیت کو اجاگر کیا۔
میاں اکرم فرید نے روایتی حکومت کے بطور واحد خریدار کے نظام کو ختم کرنے کے اقدام کو سراہتے ہوئے کہا کہ آئی پی پیز کیظالمانہ بالادستی کینظام کو ختم کرنا اور بڑے صنعتی اداروں کو مسابقتی بولی کے ذریعے نجی بجلی پیدا کرنے والے اداروں سے براہ راست بجلی خریدنے کی اجازت دینا مقامی صنعتوں کے لیے ایک مثبت پیش رفت ہیاوربجلی کے نظام کو مارکیٹ کی طلب کے مطابق ڈھالنا ایک خوش آئند قدم ہے۔ انہوں نے کہا کہ 1 میگا واٹ سے زیادہ بجلی استعمال کرنے والے کاروباری اداروں کو وہیلنگ کے ذریعے بہتر نرخ حاصل کرنے کی اجازت دینا پیداواری لاگت کو کم کرنے کا ایک عملی طریقہ ہے اور کاروباری برادری اس پہلے 400 میگاواٹ کے مرحلے کے کامیاب نفاذ کو دیکھنے کے لیے پرامید ہے۔