کینٹ بورڈ راولپنڈی کی انسپکٹروں کی مبینہ ملی بھگت سے غیر قانونی کمرشل تعمیرات جاری

راولپنڈی(شاہد ملک سے) کینٹ بورڈ راولپنڈی کی وارڈ نمبر 8 انسپکٹروں کی مبینہ ملی بھگت سے غیر قانونی کمرشل تعمیرات اور شو روم کا کام دھڑلے سے جاری ہے، بلڈنگ انچارج کی جانب سے اس غیر قانونی تعمیرات کو سیل کیا گیا، لیکن انسپکٹرنے سیل توڑ دوبارہ کام شروع کروا دیا ہے ، جس کی وجہ سے قومی خزانے کو کروڑوں روپے کا سالانہ نقصان پہنچایا جارہا ہے ، شہری وسماجی حلقوں نے ایگزیکٹو آفیسر کینٹ بورڈ راولپنڈی سے نوٹس لینے کا مطالبہ کیاہے،تفصیلات کے مطابق کینٹ بورڈ راولپنڈی کے علاقے وارڈ نمبر 8 رینج روڈ پر انسپکٹر بابر عباسی نے 2 شو روم ایک پلازہ کی غیر قانونی بغیر نقشے غیر قانونی تعمیرات کروانا شروع کی تو بلڈنگ انچارج پیر سیف اللہ اس غیر قانونی تعمیرات کو سیل کروا دیا،بعد ازاں انسپکٹر بابر عباسی چھٹی کے دن ہفتہ اور اتوار کو سیل تڑوا کر دوبارہ کام شروع کروا دیا،پلازہ کی دوسری منزل پر کام جاری ہے،جبکہ شوروم بنوا کر اس کے اندر کمرہ بھی بنا دیا گیا ہے،شوروم کے چھت کو رنگ کر دیا گیا ہے، جبکہ پلازہ کے نیچے والے بلڈنگ کو ساتھ ساتھ پلستر بھی کیا جارہا ہے، ان تینوں کے کوئی نقشے نہیں ہیں،اور نہ کسی آفیسر کے علم کوئی بات کی گی ہے،اس طرح رینج روڈ پر غیر قانونی تعمیرات کی بھر مار ہے،جس سے قومی خزانے کو سالانہ کروڑوں روپے کا نقصان پہنچایا جارہا ہے،اس پر شہری وسماجی حلقوں نے ایگزیکٹو آفیسر کینٹ بورڈ راولپنڈی سے نوٹس لینے کا مطالبہ کیا ہے،