کوئنز لینڈ: (ویب ڈیسک) آسٹریلیا کے ایک اسکول کا کہنا ہے کہ اسکول کی لائبریری سے لی گئی کتاب تقریباً 120 سال بعد واپس کر دی گئی۔
آسٹریلیوی ریاست کوئنزلینڈ کے اسکول ٹُووُمبا گرامر اسکول نے ایک انسٹاگرام پوسٹ میں کہا کہ حال ہی میں جان لیمب نامی ایک شخص نے اسکول کی لائبریری کو چارلس ڈِکنس کی کتاب گریٹ ایکسپیکٹیشن کا ایک نسخہ واپس لوٹایا ہے۔
جان لیمب کے دادا آرتھر لیمب 03-1902 کے درمیان اس اسکول کے طالب علم تھے اور 1903 میں یہ کتاب انہوں نے لائبریری سے نکلوائی تھی۔
پوسٹ میں یہ بھی کہا گیا کہ یہ کتاب اچھی حالت میں خاندان والوں کو حال ہی میں ایک بکس سے ملی جس میں ان کا سامان رکھا تھا۔
