لاہور: (ویب ڈیسک) مسلم لیگ (ق) کے رہنما و وزیراعلیٰ پنجاب پرویز الٰہی کے بیٹے مونس الٰہی نے سابق وزیراعظم عمران خان سے ملاقات کی ہے۔
زمان پارک لاہور میں ہونے والی ملاقات میں شاہ محمود قریشی، اسد عمر اوردیگررہنما شریک ہوئے۔
ملاقات میں ملکی سیاسی صورتحال اورآئندہ کے لائحہ عمل پرمشاورت کی گئی۔ ملاقات کے حوالے سے مونس الٰہی کا کہنا تھاکہ ملاقات میں آگے بڑھنے کے راستوں پر تبادلہ خیال کیا گیا۔
انہوں نے کہا کہ عمران خان اوران کی ٹیم کے ساتھ مل کر ہمیشہ خوشی ہوئی، فالو اپ میٹنگ جلد ہوگی۔
خیال رہے کہ سابق وزیراعظم عمران خان نے کہا ہے کہ 17 دسمبر کو پنجاب اور خیبر پختونخوا کی صوبائی اسمبلیاں توڑنے کا اعلان کریں گے۔
