کیف: (ویب ڈیسک) روس نے یوکرین کے دارالحکومت کیف پر میزائلوں کی بارش کردی۔
روس اور یوکرین کے درمیان جاری جنگ میں میزائل حملوں کا سلسلہ جاری ہے۔ روس کی جانب سے یوکرین کے دارالحکومت سمیت کئی شہروں پر70 سے زائد میزائلز داغے گئے۔
حالیہ حملے کو جنگ میں اب تک کا سب سے بڑا حملہ قرار دیا جا رہا ہے۔ یوکرین کی جانب سے بھی روس کیخلاف شدید مزاحمت کی جا رہی ہے۔یوکرین نے67 روسی میزائل فضا ہی میں تباہ کرنے کا دعویٰ کیا ہے۔
یوکرینی حکام کے مطابق میزائل گرنے سے خارکیف میں ایک رہائشی عمارت بھی تباہ ہوئی ہے۔روسی حملوں سے یوکرین کے بجلی کے گرڈز بھی تباہ ہوئے ہیں جس کے بعد مختلف شہروں کو بجلی کی سپلائی شدید متاثر ہوئی ہے۔
