لاہور: (ویب ڈیسک) آج کل کے دور میں باہر سے کھانا کھانا جیب بر بہت بھاری ہے، چاہے آپ کھانا آرڈر کرائیں یا باہر کھانے جائیں آپ کی جیب خالی ہو ہی جاتی ہے۔
ریسٹورنٹس میں اونچی قیمتوں پر موجودہ بحث کے درمیان 1971 کا ایک کھانے کا بل سوشل میڈیا پر گردش کر رہا ہے جسے دیکھ کر صارفین حیران رہ گئے ہیں، اس فوڈ بل میں مشہور جنوبی ہندوستانی ناشتے کا ڈوسا اور ایک کپ کافی کا ذکر کیا گیا ہے۔
حیرت کی بات تو یہ ہے کہ آرڈر کا کل بل صرف 2 روپے تھا اور اگر آج ہم کسی بھی معیاری ریسٹورنٹ میں ڈوسا اور کافی کا آرڈر دیتے ہیں، تو یہ کھانے کی جگہ کے لحاظ سے 800 روپے اور اس سے اوپر کی حد تک ہی ہوگا۔
51 سال پرانا یہ کھانے کا بل اب انٹرنیٹ پر گردش کرنے لگا ہے، 28 جون 1971 کا بل ظاہر کرتا ہے کہ ایک گاہک نے ڈوسا اور ایک کپ کافی کا آرڈر دیا تھا اور ان اشیائے خورونوش کی قیمت صرف 1 روپے تھی۔
سوشل میڈیا پر زیر گردش بل نے صارفین کو پریشان کر دیا ہے کیونکہ اتنی قیمت پر اس طرح کا کھانا کھانا آج کل تصور سے باہر ہے، بہت سے صارفین خاص طور پر وہ لوگ جو 50 سال سے زیادہ ہیں، ایک گزرے ہوئے دور کے لیے پرانی یادوں کو محسوس کرتے ہیں جب قیمتیں اتنی زیادہ نہیں تھیں۔
کھانے کا کم بل دیکھ کر صارفین حیرت میں مبتلا
