کراچی: (ویب ڈیسک) بین الاقوامی مارکیٹ میں سونے کی قیمت میں کمی کے باوجود مقامی سطح پر سونے کی قیمتوں میں مزید اضافہ ہوگیا۔
بین الاقوامی مارکیٹ میں کاروباری ہفتے کے تیسرے روز ٹریڈنگ کے دوران سونے کی فی اونس قیمت 13 ڈالرز کمی سے 1925 ڈالر کی سطح پر پہنچ گئی۔
دوسری جانب مقامی صرافہ مارکیٹوں میں فی تولہ سونے کی قیمت میں 1300 روپے جبکہ فی دس گرام سونے کی قیمت میں 1150روپے کا اضافہ ہوگیا۔
قیمتوں میں اضافے کے بعد مقامی صرافہ مارکیٹوں میں فی تولہ سونے کی قیمت بڑھ کر 1 لاکھ 90 ہزار600 روپے جبکہ فی دس گرام سونے کی قیمت 1 لاکھ 63 ہزار409 روپے ہوگئی۔
