میلبورن: (ویب ڈیسک) میزبان جوڑی رنکی ہجیکاتا اور جیسن مرے کلبر آسٹریلین اوپن ٹینس کے مینز ڈبلزمقابلے کے فائنل میں پہنچ گئی۔
آسٹریلیا کے ٹینس کھلاڑی رنکی ہجیکاٹا اور ان کے ہم وطن جوڑی دار جیسن مرے کبلر پر مشتمل وائلڈ کارڈ پر انٹری حاصل کرنے والی میزبان جوڑی اپنی پیش قدمی کو برقرار رکھتے ہوئے آسٹریلین اوپن ٹینس ٹورنامنٹ کے مینز ڈبلز مقابلوں کے فائنل میں داخل ہوگئی ۔
مردوں کے ڈبلز مقابلوں کے سیمی فائنل میچ میں میزبان جوڑی نے سپین کے مارشل گرانولرز اور ان کے ارجنٹائن کے جوڑی دار ہوراشیو زیبالوس پر مشتمل ایٹتھ سیڈ جوڑی کو شکست دی ۔
مردوں کے ڈبلز مقابلوں کے سیمی فائنل میچ میں آسٹریلیا کے رنکی ہجیکاٹا اور ان کے ہم وطن جوڑی دار جیسن مرے کبلر نے شاندار کارکردگی کا مظاہرہ کرتے ہوئے حریف سپین کے مارشل گرانولرز اور ان کے ارجنٹائن کے جوڑی دار ہوراشیو زیبالوس پر مشتمل ایٹتھ سیڈ جوڑی کو سٹریٹ سیٹس میں 2-6 اور 4-6 سے شکست دے کر فائنل کے لئے کوالیفائی کرلیا۔
واضح رہے کہ اس سے قبل فاتح جوڑی نے کوارٹر فائنل میچ میں ٹاپ سیڈڈ جوڑی کو شکست دے کر میگا ایونٹ سے باہر کر دیا تھا۔
