دوران پرواز خوف میں مبتلا خاتون کو فضائی میزبان کا دلاسا

لاہور:(ویب ڈیسک) پرواز کے دوران گھبرائی خاتون کو فضائی میزبان کی دلاسا دیتے ہوئے تصویر سوشل میڈیا پر وائرل ہو گئی۔
رپورٹس کے مطابق امریکا کے شہر شمالی کیرولینا سے نیویارک کی طرف جانے والی پرواز میں ایک عورت سوار تھی جس کو پرواز کرنے سے بہت ڈر لگتا تھا، خاتون کے اس ڈر اور گھبراہٹ کو دور کرنے کے لیے فلائٹ اٹینڈنٹ نے خاتون کا ہاتھ تھامے رکھا۔
پرواز میں موجود مولی نامی ایک مسافر خاتون نے اس منظر کو اپنے کیمرے کی مدد سے قید کر لیا اور فیس بک پر شیئر کر دیا جس کو فیس بک سمیت سوشل میڈیا پر خوب سراہا جا رہا ہے۔
واضح رہے کہ فلائٹ اٹینڈنٹ کی شناخت فلائیڈ ڈین شینن کے نام سے ہوئی ہے جس نے نیچے بیٹھ کر کر سارا راستہ گھبرائی خاتون کا ہاتھ پکڑ کر طے کیا اور راستے میں پرواز کی وجہ سے پیدا ہونے والے ہر شور اور حرکت کو مسافر خاتون کے ساتھ شیئر کر کے خاتون کو تسلی دی۔