پنجاب کے شہروں میں پیٹرول پھر نایاب،شہری پریشان

لاہور: (ویب ڈیسک) پنجاب کے شہروں میں ایک بار پھر پیٹرول کی مصنوعی قلت پیدا کر دی گئی۔
فیصل آباد ، گوجرانوالہ ، شیخوپورہ سمیت پنجاب کے مختلف شہروں میں مہنگا پیٹرول بھی نایاب ہو گیا، پمپس مالکان نے پیٹرول کی فروخت بند کردی ۔
پیٹرول نہ ملنے سے شہری مارے مارے پھرنے لگے، بعض پمپس پر شہریوں کو پیٹرول انتہائی کم مقدار میں دیا جارہاہے۔
ڈپٹی کمشنر لاہور نے اسسٹنٹ کمشنرز کو پیٹرول پمپس کی چیکنگ کی ہدایت کردی۔پپٹرول پمپس پر اسٹاک کا جائزہ لینے کا حکم دیا گیا ہے۔پیٹرولیم مصنوعات کی قیمتوں اور پیمانوں کو بھی چیک کیا جائے گا۔
وزیرمملکت پیٹرولیم مصدق ملک کا کہنا ہے کہ پندرہ فروری سے پہلے پیٹرول کی قیمت میں اضافے کا کوئی امکان نہیں ہے۔ آئی ایم ایف مذاکرات کا پیٹرول کی قیمت سے کوئی تعلق نہیں۔
ان کا کہنا ہے کہ ہمارے پاس بیس دن کا پیٹرول اور پچیس دن کا ڈیزل موجود ہے۔ اگر کوئی ذخیرہ اندوزی کرے گا تو اس کے خلاف کارروائی ہوگی۔ لائسنس بھی معطل کر دیا جائے گا۔ اگر کوئی انفرادی طور پر محدود پیٹرول فراہم کر رہا ہے تو نشاندہی کریں۔