کراچی : (ویب ڈیسک) گورنر سندھ کامران ٹیسوری نے کراچی کے علاقے اورنگی ٹاؤن میں تبلیغی اجتماع کی اختتامی دعا میں شرکت کی اور ملک و قوم کی سلامتی کیلئے دعا کی۔
گورنر سندھ نے ملک کی تعمیر و ترقی، سلامتی اور ملک سے دہشت گردی کے مکمل خاتمےکیلئے دعا کی۔
گورنر سندھ کا کہنا تھا کہ ہر سال اتنے بڑے اجتماع کے کامیابی سے انعقاد پر منتظمین مبارک باد کے مستحق ہیں، یہ اجتماع دینی حوالے سے پاکستان کی پہچان بن چکا ہے، ملک اور بیرون ملک سے شرکاء کی بڑی تعداد اس کے کامیاب انعقاد کا ثبوت ہے۔
ترجمان گورنر سندھ کے مطابق متحدہ قومی موومنٹ کے کنوینئر ڈاکٹر خالد مقبول صدیقی بھی ان کے ہمراہ تھے۔
