کراچی : (ویب ڈیسک) پاکستان میں سونے کی قیمت میں 300 روپے فی تولہ کمی ہوئی ہے۔ آل پاکستان جیمز اینڈ جیولرز ایسوسی ایشن کے مطابق 300 روپے کی کمی کے بعد ملک میں سونے کی فی تولہ قیمت 2 لاکھ 27 ہزار روپے ہوگئی ہے جبکہ 10 گرام سونے کی قیمت 257 روپے کمی کے بعد ایک لاکھ 94 ہزار 616 روپے ہے۔ عالمی مارکیٹ میں سونے کی قیمت 15 ڈالر کی کمی کے بعد 1946 ڈالر ہو گئی۔ دوسری جانب چاندی کی قیمتوں مین استحکام ریکارڈ کیا گیا، فی تولہ چاندی کی قیمت 2600 روپے اور فی دس گرام چاندی کی قیمت 2229.08 روپے کی سطح پر برقرار رہی۔
