ہرارے : ( ویب ڈیسک ) انٹرنیشنل کرکٹ کونسل ( آئی سی سی ) کرکٹ ورلڈ کپ کوالیفائر میں آج مزید دو میچز کا فیصلہ ہو گا۔ آئی سی سی کے زیر اہتمام ورلڈ کپ کوالیفائر کے دلچسپ مقابلوں کا سلسلہ زمبابوے میں جاری ہے ، آج پہلا میچ سری لنکا اور آئرلینڈ جبکہ دوسرا میچ عمان اور سکاٹ لینڈ کے درمیان کھیلا جائے گا۔ گروپ بی کے پہلے میچ میں سری لنکا اور آئرلینڈ کی ٹیمیں کوئنز سپورٹس کلب ، بلاوایو میں آمنے سامنے ہوں گی جبکہ گروپ بی کا دوسرا میچ عمان اور سکاٹ لینڈ کے درمیان بلاوایو اتھلیٹک کلب میں کھیلا جائے گا۔ خیال رہے کہ گروپ بی میں پوائنٹس ٹیبل پر سری لنکا سرفہرست جبکہ سکاٹ لینڈ دوسرے اوراومان تیسرے نمبر پر ہے اور آئرلینڈ نے ابھی تک کوئی میچ نہیں جیتا۔
