پاکستان سُپرلیگ سیزن 9 کا میلہ لاہوراور ملتان کے بعد آج بدھ 28 فروری سے کراچی میں سجے گا۔
کراچی کے نیشنل اسٹیڈیم میں کھیلے جانے والے میچز میں پہلا ٹاکرا اسلام آباد یونائیٹڈ اور کراچی کنگزکا ہو گا۔
میچ کا آغاز شام 7 بجے ہوگا جس سے آدھا گھنٹہ قبل دونوں ٹیموں کے درمیان ٹاس ہوگا۔
کراچی کنگزکے کپتان شان مسعود کا کہنا ہے کہ وہ اپنے شہرمیں کھیلنے کیلئے کافی پرجوش ہیں، اچھی ٹیم وہ ہوتی ہے جو غلطیوں سے سیکھتی ہے اور اُن کی ٹیم نے بہت کچھ سیکھا ہے ۔
کنگز کے کپتان کا کہنا ہے کہ مجھے اچھا آغاز مل رہا ہے لیکن میں اسئ آگے نہیں بڑھا پارہا میری پرفارمنس آئے گی تو ٹیم کو مزید فائدہ ہوگا۔ اوپنرز کے جلد آؤٹ ہونے سے ٹیم کی کارکردگی پرفرق پڑتا ہے۔
تاہم شان مسعود کا یہ بھی کہنا تھا کہ انہیں کراچی کی پچ کا کوئی اندازہ نہیں ہے۔
شاداب خان کا آؤٹ: پی ایس ایل کی ہاک آئی ٹیم نے غلطی تسلیم کر لی
پی ایس ایل کا فائنل 18 مارچ کو کراچی مین کھیلا جائے گا۔
گزشتہ روز پی ایس ایل 9 میں لاہور قلندرز کو ایونٹ میں لگا تار چھٹی شکست کا سامنا کرنا پڑا ہے۔ ملتان سلطانز کے خلاف 215رنز کے ہدف کے تعاقب میں لاہور قلندرز 154 رنز پر ڈھیر ہوگئے۔
