صدر لاہور چیمبر آف کامرس اینڈ انڈسٹری فہیم الرحمن سہگل نے میڈیا بریفنگ میں کہا ہے کہ سمارٹ لاک ڈاؤن کے حوالے سے مختلف خبریں گردش کر رہی ہیں، جس پر کاروباری کمیونٹی میں تشویش پائی جاتی ہے۔
فہیم الرحمن سہگل نے کہا کہ ملک شدید معاشی دباؤ کا شکار ہے اور تیل کی قیمتوں کے علاوہ ترسیل کے مسائل بھی سامنے آئیں گے۔
انہوں نے واضح کیا کہ تمام را میٹیریل آئل بیسڈ ہیں، لہٰذا سمارٹ لاک ڈاؤن کی صورت میں کاروباری سرگرمیوں پر اثر پڑ سکتا ہے۔
صدر لاہور چیمبر نے مطالبہ کیا کہ اگر حکومت سمارٹ لاک ڈاؤن کا نفاذ چاہتی ہے تو اس کے لیے واضح پالیسی جاری کی جائے اور بزنس کمیونٹی سے مشاورت کی جائے۔
ذرائع کے مطابق چیمبر نے اس حوالے سے اپنی ریسرچ رپورٹ بھی مرتب کی ہے۔
انہوں نے مزید کہا کہ موجودہ وقت میں چیمبر ثالثی کا کردار ادا کر رہا ہے اور حکومت کی امن کے لیے کوششوں کو سراہتا ہے۔
فہیم الرحمن سہگل نے آئی ایم ایف کے معاہدے کو خوش آئند قرار دیا اور ملک کی فارن پالیسی کو بہترین قرار دیا۔
