برمنگھم (ویب ڈیسک) پاکستانی ٹیم دوسری اننگز
میں 449 رنز بناکر آؤٹ ہوگئی، اننگز کی شکست سے بچ گئی۔ تین ٹیسٹ میچز کی سیریز میں انگلینڈ کو پہلے ہی 2-0 کی فیصلہ کن برتری حاصل ہے۔ تیسرے دن کا کھیل پاکستان ٹیم نے 2 کھلاڑی آئوٹ کے نقصان پر 52 رنز سے اننگز آگے بڑھائی، پاکستان کو انگلش ٹیم کی برتری ختم کرنے کے لیے مزید 233 رنز درکار تھے۔ تیسرے ٹیسٹ میں شان مسعود نے 95 رنز کی اننگز کھیلی جبکہ بابر اعظم نے 76 اور محمد عباس نے 42 رنز کی اننگز کھیلی۔ ڈیبیوکرنے والے رضاء اللہ نے 4 چوکوں اور 9 چھکوں کی مد سے 81 رنز بناکر ٹیسٹ ڈیبیو پر سب سے زیادہ چھکوں کا ریکارڈ برابر کردیا’ اس سے قبل نیوزی لینڈ کے ٹم ساؤتھی نے 2008 میں 9 چھکے لگائے تھے۔ انگلینڈ کے گس اٹکنسن نے تین کھلاڑیوں کو آؤٹ کیا جبکہ اولی رابنسن، ڈین لارنس اور جوش ٹنگ نے دو، دو وکٹیں حاصل کیں۔پاکستان کی طرف سے 8ویں وکٹ کی شراکت میں محمد عباس اور ضیاء اللہ نے انگلینڈ کے بائولروں کی دھلائی کردی۔ شاندار چوکے اور چھکوں سے انگلش بائولر پریشان ہوگئے۔ انگلینڈ کو میچ جیتنے کے لیے 130 رنز درکار ہیں جبکہ تین ٹیسٹ میچز کی سیریز میں انگلینڈ کو پہلے ہی2-0 کی فیصلہ کن برتری حاصل ہے۔ آج میچ کا چوتھا روز ہے نتیجہ کچھ بھی ہو پاکستان ٹیسٹ ٹیم کو مایوس ترین ٹیم قرار دینے والے انگلینڈ کے اخبارات کے منہ بند کردیئے۔ 449رنز بنا کر قومی ٹیم نے اپنا کچھ اعتماد بحال کیا۔
