لاہور’ مبینہ پولیس مقابلے میں دو ملزمان اپنے ہی ساتھیوں کی فائرنگ سے زخمی

لاہور(کر ائم رپو رٹرٔلیاقت آباد کے علاقے میں مبینہ پولیس مقابلے کے دوران دو ملزمان اپنے
ہی ساتھیوں کی فائرنگ سے زخمی ہو گئے جنہیں گرفتار کر لیا گیا جبکہ انکے نامعلوم ساتھی فرار ہونے میں کامیاب ہو گئے پولیس ترجمان کے مطابق لیاقت آباد کے علاقے میں موٹرسائیکل پر سوار چار ملزمان کو پولیس نے رکنے کا اشارہ کیا، تاہم ملزمان نے رکنے کے بجائے پولیس اہلکاروں پر فائرنگ کر دی اس دوران پولیس کی جوابی کارروائی کے دوران دو ملزمان اپنے ہی ساتھیوں کی فائرنگ سے زخمی ہو گئے، جن کی شناخت فیصل اور سلمان کے نام سے ہوئی۔ دونوں زخمی ملزمان کو طبی امداد کے لیے جنرل ہسپتال منتقل کر دیا گیا۔پولیس کا کہنا ہے کہ مقابلے کے دوران ملزمان کے دو ساتھی موقع سے فرار ہونے میں کامیاب ہو گئے، جن کی گرفتاری کے لیے کاروائی جاری ہے