ہنڈا اٹلس کارز کا ایک اور مثبت قدم’ طلباء کیلئے صاف پانی کی سہولت

لاہور (پ ر) صاف اور محفوظ پینے کا پانی صحت مند زندگی اور بہتر تعلیم کی بنیاد ہے۔ دیہی علاقوں میں آلودہ پانی صحت کے لئے ایک بڑا خطرہ بن سکتا ہے۔ اس اہم ضرورت کو محسوس کرتے ہوئے ہنڈا اٹلس کارز (پاکستان) لمیٹڈ نے قلعہ شیر سنگھ تحصیل
رائیونڈ لاہور کے سرکاری پرائمری سکول میں صاف پانی کی فراہمی کو یقینی بنانے کے لئے عملی قدم اٹھایا ہے۔ اس اقدام کے تحت سکول میں واٹر پمپس ‘ الیکٹرک موٹر اور پانی ذخیرہ کرنے کے ٹینکس نصب کئے گئے ہیں جس سے طلباء اور اساتذہ کو صاف اور قابل اعتماد پینے کا پانی دستیاب ہوگا۔ یہ سہولت نہ صرف پانی سے پیدا ہونے والی بیماریوں کے خطرے کو کم کرنے میں مدد دے گی بلکہ طلباء کے لئے ایک صحت مند اور بہتر تعلیمی ماحول بھی فراہم کرے گی۔ ہنڈا اٹلس کارز (پاکستان) لمیٹڈ کا یہ اقدام اس کے سماجی ذمہ داری کے عزم کی عکاسی کرتا ہے’ جس کا مقصد معاشرے میں ایسے مثبت اور دیرپا اقدامات کو فروغ دینا ہے جو لوگوں کی زندگیوں میں حقیقی بہتری لائیں۔