سندھ میں ریبیز کا ایک اور کیس تعداد 23 ہوگئی

کراچی (این این آئی) سندھ میں ریبیز کا ایک
اور کیس سامنے آگیا، جس کے بعد رواں سال صوبے میں ریبیز کے رپورٹ ہونے والے کیسز کی تعداد 23 ہوگئی۔ جناح ہسپتال کراچی کی انتظامیہ کے مطابق ٹنڈو الہ یار سے تعلق رکھنے والی 27 سالہ خاتون میں ریبیز وائرس کی تصدیق ہوئی ہے۔ متاثرہ خاتون کو 12 ستمبر کی صبح تقریباً ساڑھے 4 بجے ہسپتال لایا گیا جہاں اس میں ریبیز کی تمام علامات موجود تھیں۔ ہسپتال انتظامیہ کے مطابق خاتون کو 6 ماہ قبل دائیں ٹخنے پر آوارہ کتے نے کاٹا تھا جس کے بعد اسے اینٹی ریبیز ویکسین کی 3 خوراکیں بھی لگائی گئی تھیں۔ ہسپتال ذرائع کے مطابق خاتون کی حالت اور مرض کی علامات کے حوالے سے طبی ماہرین کی نگرانی میں علاج جاری ہے۔