پٹرول ڈیلرز کے بعد تیل کمپنیوں کا بھی مارجن بڑھانے کا مطالبہ

کراچی(این این آئی)پٹرول ڈیلرز کے مارجن  میں اضافے کے بعد آئل مارکیٹنگ کمپنیوں نے بھی اپنے مارجن میں فوری اضافے کا مطالبہ کردیا۔آئل کمپنیز ایڈوائزری کونسل نے چیئرمین اوگرا کو خط لکھ کر مطالبہ کیا ہے کہ کمپنیوں کے مارجن میں ایک روپے 22 پیسے فی لٹر اضافے کے فیصلے پر فوری عملدرآمد کیا جائے۔کونسل کے مطابق ستمبر 2023ء کے بعد سے آئل کمپنیوں کے مارجن میں کوئی اضافہ نہیں کیا گیا، جبکہ اگست میں ڈیلرز کے مارجن میں ایک روپے 34 پیسے فی لٹر اضافہ کیا گیا تھا۔ کمپنیوں کے مارجن میں اضافے کا فیصلہ تاحال عملدرآمد کا منتظر ہے۔ خط میں کہا گیا ہے کہ مارچ 2026ء سے آئل کمپنیوں کے 66 ارب روپے کے پرائس کلیمز زیر التوا ہیں، جو پٹرول کے 5 درآمدی کارگوز کی مالیت کے برابر ہیں۔