جماعت اسلامی کل سے لانگ مارچ شر وع کر رہی ہے

ملتان (ویب ڈیسک) امیر جماعت اسلامی حافظ نعیم الرحمن نے کہا ہے کہ جماعت اسلامی کل سے لانگ مارچ شروع کر رہی ہے۔منصورہ میں پریس کانفرنس  کرتے ہوئے حافظ نعیم الرحمان کا کہنا تھا کہ حکومت عوام کو ریلیف دینے کے لیے تیار نہیں، حکمران اپنے اخراجات میں اضافہ کرکے عوام سے قربانی مانگتے ہیں۔ حکومت سے مذاکرات ہوئے، ہمیں کہا گیا کہ کوئی تجویز دیں، لیکن تجویز دینا ہمارا کام نہیں، حکومتی وفد کسی واضح پروپوزل کے ساتھ آئے گا تو بات ہوسکتی ہے۔امیر جماعت اسلامی کا کہنا تھا کہ حکومت ہر میٹنگ میں مزید دو دن کا وقت مانگتی ہے، ہم چاہتے ہیں کہ پٹرولیم لیوی کے نام پر عوام سے لیا جانے والا بھتہ ختم کیا جائے، لیوی ٹیکس حکومت اپنی کرپشن پر پردہ ڈالنے کے لیے لے رہی ہے۔حافظ نعیم الرحمان نے کہا کہ پٹرول پر ریلیف عوام کا حق ہے، جبکہ کئی لوگوں کی پٹرولیم سبسڈی کے لیے رجسٹریشن ہی نہیں ہوئی۔ان کا کہنا تھا کہ حکومت پٹرولیم لیوی ختم کرتی ہے تو اس سے بات ہوسکتی ہے، حکومت پروپوزل کے ساتھ آئے گی تو مذاکرات کیے جائیں گے۔امیر جماعت اسلامی نے مزید کہا کہ نے اعلان کیا کہ جماعت اسلامی کل سے لانگ مارچ شروع کر رہی ہے۔