اسحاق ڈار’ عباس عراقچی میں رابطہ’ بحری جہازوں کی محفوظ آمدورفت پر زور

اسلام آباد(ویب ڈیسک) نائب وزیراعظم و وزیر خارجہ اسحاق ڈار اور ایرانی وزیر خارجہ عباس عراقچی میں رابطہ ہوا جس میں علاقائی صورت حال پر تبادلہ خیال کیا گیا۔دفتر خارجہ کے مطابق اسحاق ڈار اور عباس عراقچی کے درمیان خطے میں ہونے والی تازہ پیشرفت پر تبادلہ خیال کیا گیا۔نائب وزیراعظم اسحاق ڈار نے توانائی کی بلاتعطل فراہمی اور بحری جہازوں کی محفوظ آمدورفت کی اہمیت پر زور دیا، بحری جہازوں کی آمد و روفت ترقی پذیر ممالک اور عالمی سپلائی چینز پر اثرات مرتب ہوتے ہیں۔ اسحاق ڈار نے اس بات پر زور دیا کہ خطے میں امن و استحکام کو یقینی بنانے کے لیے مذاکرات اور سفارتکاری ہی واحد قابلِ عمل ذرائع ہیں۔ترجمان دفتر خارجہ کے مطابق اس موقع پر رہنمائوں نے قریبی تعاون جاری رکھنے پر اتفاق کیا اور جنرل اسمبلی کے 81ویں اجلاس کے موقع پر نیویارک میں ملاقات پر اتفاق کیا گیا۔وزیر خارجہ اسحاق ڈار کی ملائیشیا کے وزیر خارجہ داتو سری محمد حسن سے ٹیلیفونک گفتگو ہوئی۔ترجمان کے مطابق وزرائے خارجہ نے پاکستان اور ملائیشیا کے دوطرفہ تعلقات پر تبادلہ خیال کیا، جس میں تجارت اور اقتصادی تعاون کے فروغ پر خصوصی توجہ دی گئی۔ترجمان نے بتایا کہ رہنماں نے دونوں ممالک کے درمیان تعلقات کو مزید مضبوط بنانے کے لیے اعلی سطحی مسلسل روابط کی اہمیت پر زور دیا۔وزرائے خارجہ نے یو این کی جنرل اسمبلی کے 81ویں اجلاس کے موقع پر نیویارک میں ملاقات کرنے پر بھی اتفاق کیا۔