امریکا میں ایک ہی تاریخ کو پیدا ہونے والی ایک خاندان کی پانچ نسلوں کا عالمی ریکارڈ قائم

آئیوا (آئی این پی)امریکا کے ایک خاندان نے پانچ نسلوں کے ایک ہی تاریخ کو پیدا ہونے کا گینیز ورلڈ ریکارڈ قائم کر دیا۔ریاست آئیووا سے تعلق رکھنے والے فریڈ ہارلو اور ان کا خاندان ایک ہی دن پیدا ہونے والی سب سے زیادہ نسلوں کا عالمی ریکارڈ رکھتے ہیں۔فریڈ ہارلو کی پیدائش 14 ستمبر کو ہوئی تھی اور اسی تاریخ کو ان کے دادا ولبر، والدہ ایڈی، بیٹی ایما بیل اور نواسے آرتھر کی بھی سالگرہ ہے۔فریڈ ہارلو نے میڈیا سے گفتگو کرتے ہوئے کہا کہ جب آپ کے بچے ہوتے ہیں تو وہ ایک تحفہ ہوتے ہیں لیکن یہ واقعی ایک بہت منفرد تحفہ ہے۔ان کا کہنا تھا کہ خاندان ہمیشہ اس بات کو خاص سمجھتا تھا۔ تاہم، انہوں نے کبھی نہیں سوچا تھا کہ یہ انہیں عالمی ریکارڈ ہولڈر بنا دے گا۔