امریکہ کا یورپ سے ایک تہائی فوج واپس بلانے پر غور

واشنگٹن (آئی این پی)امریکا یورپ میں تعینات اپنی فوج میں بڑی کمی کرنے پر غور کر رہا ہے۔عرب میڈیا نے امریکی ذرائع کے حوالے سے
شائع کی گئی رپورٹ میں بتایا ہے کہ ایک تجویز میں یورپ سے تقریباً ایک تہائی یعنی 25,000 سے زائد فوجیوں کی واپسی شامل ہے جبکہ ایک زیادہ سخت منصوبے کے تحت 40,000 فوجیوں کے ساتھ طیارے، بحری جہاز اور اسلحہ بھی واپس بلایا جا سکتا ہے۔عرب میڈیا کے مطابق ایک امریکی رپورٹ میں بتایا گیا ہے کہ یہ فیصلہ جرمنی، اٹلی اور اسپین میں موجود امریکی فوجیوں پر لاگو ہو گا جبکہ کچھ فوجیوں کو روس کے قریب مشرقی یورپ منتقل کرنے پر بھی غور کیا جا رہا ہے۔