فضائی آلودگی میں اضافہ’ لاہور دنیا کے آلودہ ترین شہروں میں پہلے نمبر پر

لاہور( این این آئی)صوبائی دارالحکومت لاہور میں فضائی آلودگی کی شرح میں اضافہ ہوگیا، لاہور ایک بار پھر دنیا کے آلودہ ترین شہروں میں پہلے نمبر پر آگیا۔ رپورٹ کے مطابق شہر کا مجموعی ایئر کوالٹی انڈیکس 214 ریکارڈ کیا گیا۔رائے ونڈ میں ایئر کوالٹی انڈیکس 266، ڈی ایچ اے فیز 5میں 244، بیدیاں روڈ پر 230، برکی روڈ پر 224 اور پیراگون میں 218ریکارڈ کیا گیا۔ماڈل ٹائون میں فضائی آلودگی کی شرح 217، اقبال ٹائون میں 196، چمن پارک میں 189جبکہ عسکری ٹین میں 169 ریکارڈ ہوئی۔