پی ٹی آئی دھرنا کال’پنجاب کے مختلف اضلاع سے پولیس اسلام آباد پہنچنا شروع ہوگئی

لاہور (کرائم رپورٹر) پی ٹی آئی کی 27 ستمبر کو اسلام آباد میں دھرنے کی کال، مختلف اضلاع و یونٹس سے اٹک’ راولپنڈی اور اسلام آباد پہنچنا شروع ہوگئی۔ پولیس ذرائع کے مطابق3 شہروں میں پنجاب پولیس کی نفری 46 ہزار سے بڑھا کر 50 ہزار کر دی گئی۔ 1 لاکھ آنسو گیس شیلز’ 3 ہزار آنسو گیس پھیکنے والی گنز بھی سرگودھا اور راولپنڈی ریجن کو فراہم کر دیئے گئے۔ متعلقہ ریجنز کو دس بکتر بندگاڑیاں بھی فراہم کی جارہی ہیں۔ 20 ہزار مزید آنسو گیس شیلز بھی متعلقہ ریجنز کو اگلے2 روز میں فراہم کر دیئے گئے۔ گیارہ ڈی آئی جیز’24 ایس ایس پیز سمیت افسران کی بڑی تعداد بھی نفری کے ہمراہ ہوگی۔ اسلام آباد پولیس نے 19 ہزار کی نفری 15 ہزار آنسو گیس شیلز’2 گنز’ ربڑ کی گولیاں گنز مانگ لی۔ اسلام آباد پولیس کو بھی سامان کی فراہمی کا فیصلہ حکومت کی جانب سے کیا جائیگا۔