فضائی آلودگی میں لاہور پھر دنیا بھر میں پہلے نمبر پر

لاہور(خبریںڈیجیٹل) لاہور دنیا بھر کے آلودہ ترین شہروں کی فہرست میں پہلے نمبر پر آگیا۔ لاہور میں فضائی آلودگی میں اضافہ ہوگیا، ایئر کوالٹی انڈیکس 194 تک پہنچ گیا، جس کے بعد لاہور دنیا بھر کے آلودہ ترین شہروں کی فہرست میں پہلے نمبر پر آگیا۔ علامہ اقبال ٹائون میں آلودگی کی شرح 210، برکی روڈ پر 207، ماڈل ٹائون 187، بیدیاں روڈ 187، ڈیفنس 186 ریکارڈ کی گئی۔ لاہور میں ایئر کوالٹی انڈیکس عالمی ادارہ صحت گائیڈ لائنز سے 19 گنا مضر ہے، عالمی مانیٹرز کے مطابق رواں ہفتے لاہور میں فضائی آلودگی میں اضافہ ہوا۔ طبی ماہرین نے شہریوں کو گھروں کے دروازے، کھڑکھیاں بند رکھنے جبکہ موٹر سائیکل سوار ماسک کا استعمال کرنے کی ہدایت کی ہے۔