ٹیکسلا، موضع جلالہ کے رہائشی کی زمین پر قبضہ مافیا کی غیر قانونی کاروائی

ٹیکسلا (عمیر جمیل خان) تفصیلات کے مطابق تھانہ صدر ٹیکسلا کے رہائشی اور زمیندار نذر حسین ولد حیات محمد ، (ساکن جلالہ موضع جلالہ) نے پولیس اور \اعلی حکام کو دی گئی اپنی درخواست میں موقف اختیار کیا ہے کہ ان کی وراثتی اور ملکیت زمین واقع موضع جلالہ ، خسرہ نمبر 1552 کل رقبہ جن میں سے تین کنال ، دو مرلے شامل ہیں جس پر ہمارا قبضہ تھا پر فیصل انتظامیہ ، چوہدری جاوید و دیگر افراد نے گزشتہ دنوں مبینہ طور پر گینگ اور دیگر مسلح افراد کے ساتھ مل کر شام کے وقت ان کی زمین پر بلاجواز اور غیر قانونی طور پر مختلف مشینری کے ذریعے ہموار کرنے (لیولنگ) کا کام شروع کر دیا۔ جب سائل نے اپنے رشتہ داروں کے ہمراہ موقع پر پہنچ کر اس غیر قانونی اقدام سے روکا اور شدید احتجاج کیا تو مسلح افراد نیانہیں سنگین نتائج، جان سے مارنے کی دھمکیاں دیں اور زبردستی وہاں سے بھگا دیا۔ نہ صرف یہ بلکہ نامعلوم افراد اور قبضہ مافیا نے ان کی زمین پر موجود درخت کاٹ کر زمین کو شدید نقصان پہنچایا اور شجرکاری کو تبا ہ کر دیا۔ سائل کا کہنا ہے کہ یہ ان کی آبائی اور وراثتی جائیداد ہے جس پر مخالفین جابرانہ طریقے سے قبضہ کرنا چاہتے ہیں، جبکہ ان کی اس غنڈہ گردی اور فائرنگ و دھمکیوں کی وجہ سے علاقے میں شدید خوف و ہراس اور داہشت پھیل چکی ہے۔ متاثرہ افراد نے کا کہنا تھا کہ درخواست کے باوجود پولیس نے اب تک مقدمہ درج نہیں کیا ہماری وزیر اعلی پنجاب مریم نواز شریف، کمشنر و ڈپٹی کمشنر راولپنڈی و دیگر اعلی حکام سے اپیل ہے کہ ان کی درخواست پر فوری اور سخت قانونی کارروائی کی جائے، قبضہ مافیا کے خلاف مقدمہ درج کرکے ان کی زمین کو واگزار کرایا جائے اور سائل کی جان و مال کا تحفظ یقینی بنایا جائے۔