پاکستان کا نظام زمیں بوس نہیں ہوا، اصل مسئلہ کمزور ڈیلیوری سسٹم ہے:انوار الحق کاکڑ

لاہور(این این آئی)سابق نگران وزیراعظم انوار الحق کاکڑ نے کہا ہے کہ پاکستان کا نظام زمیں
بوس نہیں ہوا، اصل مسئلہ کمزور ڈیلیوری سسٹم ہے، شفاف انتخابات ضروری، تاہم صرف الیکشن درست ہونے سے تمام مسائل حل نہیں ہوں گے، گورننس کو سیاسی جماعتوں سے جوڑنا ہوگا۔انہوں نے لاہور میں منعقدہ سیمینار سے خطاب کرتے ہوئے کہا کہ میں اس بات سے اتفاق نہیں کرتا کہ پاکستان کا نظام زمیں بوس ہو چکا ہے تاہم ملک کا ڈیلیوری سسٹم انتہائی کمزور ہے جس میں بہتری لانے کی ضرورت ہے،احتساب پر مبنی حکومت کو دنیا تسلیم کرتی ہے اور جمہوریت ہی اسے چلا سکتی ہے، ریاست کو سکیورٹی، معاشی استحکام اور بہتر طرز حکمرانی فراہم کرنے کیلئے اپنے نظام کی خامیوں کو دور کرنا ہوگا۔