اسلام آباد( ویب ڈیسک ) پیپلز پارٹی کے سینیٹر فاروق ایچ نائیک اور مسلم لیگ ن کے شیخ آفتاب احمد نے جوڈیشل کمیشن آف پاکستان کی رکنیت سے استعفیٰ دے دیا۔نجی ٹی وی سے گفتگو میں فاروق ایچ نائیک نے کہا کہ انہوں نے ذاتی وجوہات پر استعفیٰ دیا، اپنا استعفیٰ چیئرمین کمیشن کو بھیج دیا ہے۔ذرائع کے مطابق جوڈیشل کمیشن کے اراکین کی تعیناتی کو 2سال مکمل ہوچکے تھے، سینیٹ اور قومی اسمبلی سے ارکان کی نامزدگی جلد کردی جائیگی، جوڈیشل کمیشن کے اراکین کی تعیناتیاں معمول کی کارروائی ہے۔جوڈیشل کمیشن آف پاکستان کا اجلاس 13اکتوبر کو ہو رہا ہے جس میں سندھ ہائی کورٹ میں آئینی بینچ کی مدت کے حوالے سے غور ہوگا۔ذرائع کے مطابق ان دونوں کی جگہ کمیشن کے نئے ارکان کے لیے نامزدگیوں میں پیپلز پارٹی کے چیئرمین بلاول بھٹو اور مسلم لیگ ن سے رانا ثنا اللہ کو کمیشن کا رکن بنائے جانیکا امکان ہے۔
بلاول
