حسن ابدال: 44 سالہ شخص مبینہ طور پر گولی لگنے سے جاں بحق

حسن ابدال (نمائندہ خبریں)حسن ابدال کے علاقے محلہ ڈھوک مسکین میں 44 سالہ شخص مبینہ طور پر خود کو گولی مارنے کے واقعے میں جاں بحق ہو گیا۔ اطلاع ملنے پر ریسکیو 1122 اور پولیس کی ٹیمیں موقع پر پہنچ گئیں، جبکہ واقعے کی قانونی کارروائی شروع کر دی گئی۔تفصیلات کے مطابق ریسکیو 1122 اٹک کو 9 اکتوبر 2026 کو تحصیل حسن ابدال کے محلہ ڈھوک مسکین آباد میں ایک شخص کو گولی لگنے کی اطلاع موصول ہوئی۔ ریسکیو 1122 کی جاری کردہ معلومات کے مطابق جاں بحق ہونے والے شخص کی شناخت 44 سالہ محمد ابراہیم ولد ظاہر خان کے نام سے ہوئی ہے۔لواحقین کے بیان کے مطابق محمد ابراہیم نے مبینہ طور پر خود کو گولی ماری، جس کے نتیجے میں وہ جاں بحق ہو گیا۔ واقعے کی اطلاع ملنے پر ریسکیو 1122 اور پولیس کی ٹیمیں جائے وقوعہ پر پہنچ گئیں۔پولیس کی جانب سے ضروری قانونی کارروائی کی جا رہی ہے، جس کے بعد لاش کو ہسپتال منتقل کیا جائے گا۔ واقعے کی مزید تفصیلات اور وجوہات تاحال سامنے نہیں آ سکیں۔