کینٹ بورڈ راولپنڈی میں کرپشن ملوث معطل افسران و ملازمین کی انکوائری مکمل نہ ہو سکی

راولپنڈی(عرفان چوہان سے)کینٹ بورڈ راولپنڈی میں کرپشن اختیارات کا ناجائز استعمال کر کے اولڈ گرانٹ پراپرٹیز کو غیر قانونی طور مارکیٹیں اور پلازے بنانے میں ملوث افسران و ملازمین معطل ہونے 9 ماہ گزرنے کے بعد بھی انکوائری مکمل نہ ہو سکی۔ جبکہ ٹرانسفر کیے گئے تمام ملازمین دوبارہ راولپنڈی کینٹ بورڈ میں مبینہ طور پر لوٹ مار کا بازار گرم کر رکھا ہے،ایک ڈیپارٹمنٹ سے دوسرے ڈیپارٹمنٹ میں جانے والے والے سابقہ سیٹوں پر کام کر رہے ہیں، اس معاملے کو 9 ماہ گزرنے کے باوجود تاحال انکوائری رپورٹ مرتب نہیں کی جاسکی ،یاد رہے کہ کینٹ بورڈ راولپنڈی میں گزشتہ کئی ماہ سے مبینہ طور پر بھاری نذرانہ لیکر آدم جی روڈ صدر راولپنڈی میں اولڈ گرانٹ پراپرٹیز نمبرز 1642 اینڈ 198 ٹو 200 نمبر کی اس اولڈ گرانٹ پراپرٹیز کو کمرشل کر کے پلازہ و مارکیٹ بنوادی ہے، جبکہ لیز پالیسی 2008 کے تحت اولڈ گرانٹ پراپرٹیز کمرشل نہیں ہو سکتی تھی ان افسران اور اہل کاروں کی مبینہ ملی بھگت سے اپنے فائدے کی خاطر قومی خزانے کو کروڑوں روپے کا نقصان پہنچایا تھا ،جبکہ سابق اسٹنٹ سیکرٹری راولپنڈی کنٹونمنٹ بورڈ رشید ثاقب نے گرفتاری کے دوران انکشاف کیا تھا کہ سابق ایگزیکٹیو آفیسر راولپنڈی کنٹونمنٹ بورڈ عمر فاروق ملک سابق ایگزیکٹو آفیسر علی عرفان رضوی کو میں کنٹونمنٹ بورڈ راولپنڈی کی مختلف برانچوں کے انچارجوں سابق انفوسمنٹ انچارج چوہدری نجم ،ٹیکس سپرٹنڈنٹ صدیق گجر ،سمیت 13 ماتحت اہلکاران ماہانہ منتھلی لیکر دیتا تھا، ان افسران اور اہلکاروں کی انکوائریاں ہوئی ان کے اثاثہ جات کو بھی چیک کیا گیا، اگر افسران اور ملازمین انکوائریوں میں ملوث پائے گئے تو کنٹونمنٹ ملازمین کے خلاف پاکستان کینٹ سروس رولز 1954 اور افسران کے خلاف آفیسرز افیشینسی کنڈکٹ اینڈ ڈسپلنری رولز 1973 کے تحت کاروائی کی جائے گی جو ملازمت سے برطرفی جرمانے سمیت دیگر سزاں کی صورت میں ہو سکتی ہے۔ افسران اور اہلکاروں نے اپنے ذاتی فائدے کی خاطر قومی خزانے کو کروڑوں روپے کا نقصان پہنچایا تھا ، اور ڈائریکٹر جنرل ملٹری لینڈ اینڈ کنٹونمنٹ بورڈ ز جواد احمد قاضی کے ٹرانسفر ہونے کے بعد وہ انکوائریاں بھی ٹھپ ہو گی ہیں، اس میں ملوث افسران اور اہلکاروں کے خلاف مختلف ڈیپارٹمنٹ کے افسران نے انکوائریاں کی تھی،جس میں وہ ملوث ہائے گئے تھے، لیکن بعد ازاں وہ انکوائریاں بھی سرد خانے کی نذر ہو گئی ہیں،کسی کے خلاف کوئی کاروائی نہیں کی گئی،