FFCکی بہترین کارپوریٹ اور سسٹین ایبلٹی رپورٹس ایوارڈز میںپہلی پوزیشن

اسلام آباد( پ ر)فوجی فرٹیلائزر کمپنی لمیٹڈ (ایف ایف سی) نے کارپوریٹ رپورٹنگ میں اعلی معیار اور بہترین کارکردگی کے عزم کا ایک بار پھر مظاہرہ کرتے ہوئے بہترین کارپوریٹ اور سسٹین ایبلٹی رپورٹس ایوارڈز 2025 میں کیمیکل اور فرٹیلائزر سیکٹر میں پہلی پوزیشن حاصل کر لی۔ یہ ایوارڈز انسٹی ٹیوٹ آف چارٹرڈ اکانٹنٹس آف پاکستان (آئی کیپ) اور انسٹی ٹیوٹ آف کاسٹ اینڈ مینجمنٹ اکانٹنٹس آف پاکستان (آئی سی ایم اے) کے مشترکہ تعاون سے منعقد کیے گئے۔ یہ ایوارڈز 25 اکتوبر 2026 کو اسلام آباد کے میریٹ ہوٹل میں منعقدہ ایک تقریب کے دوران پیش کیے گئے۔ ایف ایف سی نے مجموعی کیٹیگری میں بھی پانچ نمایاں ترین کمپنیوں میں جگہ بنائی، جہاں مختلف شعبوں کی سرکردہ کمپنیوں کے ساتھ اس کی کارپوریٹ رپورٹنگ کے اعلی معیار کو بھی سراہا گیا۔ایف ایف سی نے بہترین سسٹین ایبلٹی رپورٹ کی کیٹیگری میں دوسری پوزیشن حاصل کرکے سسٹین ایبلٹی رپورٹنگ کے شعبے میں بھی اپنی برتری کو مزید مستحکم کیا۔ یہ کامیابیاں شفافیت، جوابدہی، مثر طرزِ حکمرانی اور پائیدار کاروباری طریقہ کار کے لیے ایف ایف سی کے غیر متزلزل عزم کی عکاس ہیں۔ اس طرح کمپنی نے اسٹیک ہولڈرز کے اعتماد اور اطمینان کو برقرار رکھتے ہوئے صنعت میں اپنی قائدانہ حیثیت کی بھی توثیق کی ہے۔