پشاور(آئی این پی ) خیبر پختونخوا کے محکمہ تعلیم میں سرکاری امور کو ڈیجیٹل بنانے اور روایتی کاغذی فائلوں سے نجات دلانے کیلئے ای آفس سسٹم کا باقاعدہ آغاز کردیا گیا ہے۔مذکورہ نظام کے تحت سرکاری خط و کتابت، فائلوں کی نقل و حرکت اور منظوری کا عمل آن لائن انجام دیا جائے گا۔محکمہ تعلیم کے سیکریٹری کی ہدایات پر اے آئی اینڈ ڈیجیٹل انیشی ایٹوز یونٹ نے ایلیمنٹری اینڈ سیکنڈری ایجوکیشن فانڈیشن کی تکنیکی ٹیم کے تعاون سے ڈائریکٹوریٹ آف ایلیمنٹری اینڈ سیکنڈری ایجوکیشن میں اس نظام کو کامیابی سے متعارف کرایا ہے۔
