ریحام خان کی کتاب کے اخراجات کون ادا کر رہا ہے ؟نام سامنے آ گیا ،تہلکہ خیز انکشافات

لاہور(ویب ڈیسک) سینئرکالم نویس جاوید چوہدری نے دعویٰ کیا ہے کہ ریحام خان کی متنازعہ کتاب اور اس کی لانچنگ کے اخراجات بھارت کا ایک برطانوی تاجر سنجے کیتھوریا برداشت کررہاہے ، میاں نواز شریف کو جنرل اسد درانی کی کتاب کے بعد ریحام خان کی کتاب کا ٹھیک ٹھاک سیاسی فائدہ ہو گا تاہم یہ حقیقت ہے یہ کتاب نواز شریف اور شہباز شریف نے نہیں لکھوائی‘یہ ریحام خان کا اپناذاتی عمل ہے۔” سنجے کیتھوریاتلاش کے نام سے برطانیہ میں ہوٹلوں کی چین چلاتا ہے‘ یہ شادی سے پہلے بھی ریحام کا دوست تھا اور یہ آج بھی اس کا بیسٹ فرینڈ ہے‘ یہ اس کتاب میں خصوصی دلچسپی لے رہا ہے چنانچہ یہ کتاب پاکستان سے زیادہ بھارت میں لانچ ہو گی‘ کیوں؟ وجہ صاف ظاہر ہے عورت جب زخمی ہوتی ہے تو پھر یہ ہر اس جگہ وار کرتی ہے جہاں سے دوسرے کو زیادہ سے زیادہ تکلیف ہو سکتی ہے‘ یہ کتاب ایک زخمی عورت کے انکشافات ہیں‘ مجھے محسوس ہوتا ہے یہ زخمی عورت کسی کو نہیں بخشے گی۔یادرہے کہ اس سے قبل یہ بھی کہا جارہاتھا کہ مسلم لیگ ن ریحام خان کو استعمال کررہی ہے لیکن اب جاوید چوہدری نے بھی ن لیگ کے ملوث ہونے کی تردید کردی۔