لاہور(شوبزڈیسک)گلوکارہ آئمہ بیگ نے ہے کہ وہ تقریبات اور شوز میں دیر سے نہیں پہنچتی اورنا یہ ان کی عادت ہے-انہوں نے کہا کہ”طیفا ان ٹربل” کی تقریب میں جان بوجھ کر لیٹ نہیں ہوئی بلکہ میں اپنے کسی شوپر تھی جہاں سے فری ہونے کے فوری بعد وہاں پہنچ گئی لیکن میری غیر موجودگی میں علی ظفر نے میرے بارے میں کہا تھا” کہ وہ گانے کی ریکارڈنگ میں بھی لیٹ آیا کرتی تھی”- یہ بات صرف مذاق کی حد تک تھی جسے غلط رنگ دیاگیا-آئمہ بیگ نے مزید کہا کہ میں تعلیم یافتہ اور ذمہ دار آرٹسٹ ہوں اور میں کبھی کسی تقریب میں جان بوجھ کر لیٹ نہیں گئی۔یاد رہے کہ "طیفا ان ٹربل” میں آئمہ بیگ اورعلی ظفر کے گائے ہوئے گانے "آئٹم نمبر”نے مقبولیت کا نیا ریکارڈ قائم کیا ہے اور اس گانے کو صرف دو دنوں میں 20لاکھ سے زائد لوگ دیکھ چکے ہیں-
