میزبان روس سپین کو شکست دے کر کواٹر فائنل میں پہنچ گیا

ماسکو (سپورٹس ڈیسک)روس نے سپین کو چار ، تین سے شکست دیکر 2010کے عالمی چیمپین کو فیفا ورلڈ کپ سے باہر کردیا۔تفصیلات کے مطابق 2010کا عالمی چیمپین سپین روس سے شکست کھانے کے بعد میگا ایونٹ سے باہر ہوگیا۔میچ کے آغا ز سے لیکر اختتام تک دونوں ملکوں کی ٹیموں نے جم کر ایک دوسرے کا مقابلہ کیا اور ایک ایک گول کرکے برابر رہیں۔ آخر کار میچ کا فیصلہ پنلٹی آوٹ شو ٹ پر ہوا سپینی کھلاڑیوں نے دو پنلٹی ضائع کر دی جس کی وجہ سے روس نے سپین کے خلاف میچ جیت لیا جبکہ سپین ایونٹ سے باہر ہوگیا۔میزبان روس کو اس ایونٹ کی کمزور ترین ٹیم قرار دیا جارہا تھا۔سپین کی طرف پیکو،راموس اور ینی اسٹا نے گو ل سکور کیے۔اس پہلے ورلڈ کپ میں چا ر با ر میزبان ٹیم نے پنلٹی شوٹ پر میچ جیتا اور روس نے بھی اس سلسلے کو برقرار رکھا اور پانچواں میزبان بن گیا جس نے پنلٹی شوٹ پر میچ جیتا۔ سوویت یونین کا شیرازہ بکھرجانے کے بعد روسی ٹیم پہلی بار ورلڈ کپ کے ناک آو¿ٹ مرحلے تک پہنچنے میں کامیاب ہوپائی ۔اسپین کی ٹیم گزشتہ دو برس سے میچ نہیں ہاری تھی جبکہ روسی ٹیم ایونٹ سے قبل آٹھ ماہ تک فتح کی متلاشی رہی تھی، دونوں ملک اس سے قبل یورو 2008 میں مدمقابل آئے تھے، جس میں ہسپانوی ٹیم نے میدان 3-0 سے مارلیا تھا۔ ماسکو کے لوزنکی اسٹیڈیم میں80 ہزار شائقین کے بیٹھنے کی گنجائش تھی جو کے مکمل بھر ا ہو ا تھا اور بارش بھی ہوتی رہی۔اسی میدان میں روس نے ورلڈ کپ کے افتتاحی مقابلے میں سعودی عرب کیخلاف 5-0 سے کامیابی سمیٹی تھی، اس کے بعد میزبان ٹیم نے محمد صلاح سے سجی مصری ٹیم کو 3-1 سے قابو کیا تھا، اس سے قبل بطور سوویت یونین روسی ٹیم نے میکسیکو میں منعقدہ 1986 کے ورلڈ کپ میں پری کوارٹر فائنل میں رسائی پائی تھی جہاں پر انھیں اضافی وقت میں بیلجیئم کے ہاتھوں 3-4 سے ناکامی کا سامنا کرنا پڑا تھا۔، اس کے بعد روسی ٹیم یورو 1988 کے فائنل میں روڈ گولیٹ کی ڈچ ٹیم سے فائنل میں ہارگئی تھی۔