ہرارے (اے پی پی) پاکستانی ٹیم کے جارح مزاج اوپننگ بیٹسمین فخر زمان سہ فریقی ٹی ٹونٹی انٹرنیشنل کرکٹ سیریز میں آسٹریلیا کے خلاف فائنل میں نروس نائنٹیز کا شکار ہو گئے اور صرف 9 رنز کے فرق سے کیریئر کی پہلی سنچری مکمل نہ کر سکے۔
اتوار کو آسٹریلیا کے خلاف کھیلے گئے سہ فریقی ٹی ٹونٹی سیریز فائنل میں فخر زمان نے جارحانہ بلے بازی کا مظاہرہ کرتے ہوئے کینگروز باﺅلرز کا بھرکس نکال دیا، وہ کیریئر کی پہلی سنچری سے صرف 9 رنز کی دوری پر تھے کہ 91 کے سکور پر رچرڈسن نے ان کی دلکش اننگز کا خاتمہ کر دیا، فخر نے 46 گیندوں پر 3 چھکوں اور 12 چوکوں کی مدد سے 91 رنز کی کیریئر بہترین اننگز کھیلی۔
