لاہور(شوبزڈیسک)اداکارہ تعبیر برال کی تماثیل تھیٹر میں واپس مداحوں نے کھڑے ہو کر استقبال کیا ۔اداکارہ کامیڈی اور میوزیکل ڈرامہ”چناں میری ہاں“میں جلوہ گر ہو گئی ہیں۔پہلے روز ہال میں مداحوں نے ان کا پر تپاک استقبال کیا اور دیر تک تالیاں بجتی رہیں۔ تعبیر برال کامیڈی کنگ ببو برال کی بیٹی ہیں۔گزشتہ روز ان کی پرفارمنس پر مداح ہال میں بھنگڑے ڈالتے رہے اور آئیٹم سانگ کے اختتام پر ونس مور کی آوازیں آتی رہیں۔اداکارہ نے میڈیاکو بتایا کہ ان کے مداحوں کی لاہور کے علاوہ دوسرے شہروں میں بھی بہت بڑی تعداد موجود ہے اور لاہور میں تواس کا ثبوت ہال کا فل پیک ہونا ہے۔ڈرامہ کی کاسٹ میں تعبیر برال کے ساتھ حسنہ جی ‘ سارا خان ‘ رائمہ خان‘ ماہ نور‘سیمی خان ‘ طاہر انجم ‘ طاہر نوشاد‘ حسن مراد‘قیصر پیا‘ گلفام‘بینا سحر‘ سعدیہ شیخ‘پروز خان‘ارشد بھٹی ‘ مجید احمد‘اور افضال خان شامل ہیں۔تماثیل تھیٹر کے چئیر مین قیصر ثنا ءاللہ خان نے کہا کہ اے سی ہال اور سکیورٹی کا فول پروف انتظام صرف تماثیل تھیٹر ہی میں دکھائی دیگا۔
