کراچی میں فیشن شو ‘ نادیہ حسین، علینہ خان کی کیٹ واک

کراچی(شوبزڈیسک )سٹائل رن وے سیزن 10کا گزشتہ روز انعقاد کیا گیا جس میں ماڈلز اور فنکاروں نے کیٹ واک کی ، ایونٹ میں فیشن ڈیزائنر مونوش بائے منزہ احمد، تحسین تسنیم، شاہد خان، عزیر اینڈ زبیر بائے اوزی، عرفان آغائی، صوفیہ حیدر و دیگر نے عیدکلیکشنز متعارف کروائیں۔ سپر ماڈل نادیہ حسین، علینہ خان، فلک خان، سمیرا سمیت دیگر نے ریمپ پر اپنے جلوے بکھیرے۔ اداکارہ و گلوکار ہ فرحت خان نے خصوصی پرفارمنس پیش کرکے لیجنڈ گلوکارہ نازیہ حسن کو ٹریبیوٹ پیش کیا۔ سٹائل رن وے کے روح رواں ضیا ظفر کا کہنا تھا سیزن 10 کو ہماری سوچ سے بڑھ کر پذیرائی ملی۔ ہمیں خوشی ہے کہ ہمارے دس سیزن کامیابی سے مکمل ہوگئے ہیں۔، کراچی کے بعد لاہور اور اسلام آباد میں بھی سٹائل رن وے کے پلیٹ فارم سے ایونٹس ترتیب دینگے جسکی تیاریاں شروع کر دی گئی ہیں۔