نیویارک(ویب ڈیسک) ڈبلیو ڈبلیو ای کے مقبول ترین ریسلرز میں سے ایک رومن رینز نے آخر کار 2 سال بعد چیمپئن بننے کا خواب دوبارہ پورا کرلیا۔رومن رینز ریسل مینیا 33 میں ڈبلیو ڈبلیو ای ورلڈ ہیوی ویٹ چیمپئن بنے تھے اور جون میں سیٹھ رولنز کے ہاتھوں شکست کے بعد اس سے محروم ہوگئے تھے۔اس کے بعد سے وہ ورلڈ چیمپئن شپ سے محروم تھے اور رواں سال اس مقصد کے لیے وہ بروک لیسنر کے ہاتھوں ریسل مینیا 34 اور سعودی عرب میں ہونے والے ایون گریٹسٹ رائل رمبل میں شکست کا سامنا کرنا پڑا۔مگر گزشتہ شب ڈبلیو ڈبلیو ای کے ایونٹ سمر سلیم میں رومن رینز نے بروک لیسنر کو شکست دے کر ڈبلیو ڈبلیو ای یونیورسل ٹائٹل اپنے نام کرلیا۔ڈبلیو ڈبلیو ای رومن رینز کی کامیابی کے لیے ڈیڑھ سال سے میدان بنانے میں مصروف تھی جس کا مقصد ریسلر کو جان سینا کی جگہ کمپنی کا نیا چہرہ بنانا ہے۔اس میچ کے آغاز پر منی ان دی بینک جیتنے والے برآن اسٹرومین بھی رنگ کے پاس موجود تھے اور انہوں نے اعلان کیا تھا کہ جو بھی میچ میں کامیابی حاصل کرے گا، وہ اس کے خلاف اپنا کنٹریکٹ کیش کروائیں گے۔تاہم میچ کے دوران ہی بروک لیسنر نے برآن اسٹرومین کو اپنے مخصوص دآ ایف 5 کا نشانہ بنانے کے بعد بریف کیس اٹھا کر دور پھینک دیا۔
