شارخ خان بھی مشہور ڈرامہ میں انٹری کیلئے تیار ہو گئے

ممبئی (ویب ڈیسک)بالی وڈ اسٹار شاہ رخ خان مشہور بھارتی ٹی وی ڈرامے ’کسوٹی زندگی کی‘ کے دوسرے سیزن کا حصہ بن گئے۔بھارتی ٹی وی کامشہور ڈرامہ ’کسوٹی زندگی کی‘ تقریباً 8 سال ٹی وی پر آن ایئر رہا ہے جس کے مرکزی کردار انوراگ باسو اور پریرنا شرما تھے جو کہ سیزین خان اور شویتا تیواری نے سر انجام دیے تھے۔ڈرامے کی پروڈیوسر ایکتا کپور ہیں جنہوں نے اب 10 سال بعد ایک بار پھر ’کسوٹی زندگی کی‘ کو چھوٹی اسکرین پر لانے کی ٹھان لی ہے۔بھارتی ڈرامے ’کسوٹی زندگی کی‘ کا نیا سیزن رواں ماہ شروع ہوگا جس میں کئی پرانے چہرے نہیں ہوں گے جب کہ پریرنا اور انوراگ کے کردار بھی نئے اداکار کریں گے۔ڈرامے کے نئے سیزن میں سلور اسکرین کے بادشاہ سمجھے جانے والے اداکار شاہ رخ خان بھی ہیں جو کہ ڈرامے کے کرداروں کا تعارف پیش کریں گے۔شاہ رخ خان ڈرامے میں اداکاری کرتے نظر نہیں آئیں گے لیکن شروعاتی اقساط میں بیک گراو¿نڈ میں ان کی آواز سنی جاسکے گی۔ڈرامے کی پروڈیوسر ایکتا کپور نے ’کسوٹی زندگی کی‘ کے سیزن 2 کا پرومو جاری کیا ہے جس میں کنگ خان بھی نظر آرہے ہیں اور پرومو سوشل میڈیا پر بے حد پسند کیا جارہا ہے۔دوسری جانب بھارتی میڈیا میں خبریں بھی زیر گردش ہیں کہ شاہ رخ خان نے ڈرامے کے پرومو شوٹ کے لیے 8 کروڑ بھارتی روپے معاوضہ وصول کیا ہے۔واضح رہے کہ ’کسوٹی زندگی کی‘ کے دوسرے سیزن میں پریرنا شرما کے کردار ایریکا فرنینڈس اور انوراگ باسو کا کردار پرتھ سمتھان کریں گے۔