صنم بلوچ لڑکیوں کےساتھ تصاویربنانے پرشوہرسے الجھ پڑیں

لاہور(کلچرل رپورٹر) لڑکیوں کے ساتھ تصاویر بنوانے پر اداکارہ صنم بلوچ کی شوہر سے تلخ کلامی ہوگئی۔یہ واقعہ گزشتہ رات مقامی سینما میں اس وقت پیش آیا جب فلم”لاہور سے آگے“کے پریمئر کے بعد اداکار عبداللہ فرحت اللہ جنہوں نے فلم میں اہم منفی کردارکیا ہے اور جو صنم بلوچ کے شوہر بھی ہیں۔ صنم بلوچ کی خواہش تھی وہ جلدی سے واپس چلی جائیں کیونکہ بہت سے لوگ ان کے ساتھ تصاویر بنوانے کی کوشش کررہے تھے لیکن ان کے شوہر عبداللہ فرحت اللہ مسلسل لڑکیوں اور دوسرے لوگوں کے ساتھ تصاویر بنوانے میں مصروف تھے جس پر صنم بلوچ کو غصہ آگیا اور دونوں کے درمیان تلخ کلامی شروع ہوگئی جس کے کچھ دیر بعد وہ دیگر لوگوں کے ہمراہ واپس چلے گئے۔