بھارت کی ایک اور گھٹیاحرکت ، پاکستانی سفارتی اہلکار گرفتار ، زبردستی دستخط کرا کر چھوڑ دیا گیا

اسلام آباد (مانیٹرنگ ڈیسک) نئی دہلی میں پاکستانی سفارتی اہلکار گرفتار، پاکستانی ہائی کمیشن کے احتجاج پر بھارتی حکام نے ایک نوٹ پر زبردستی دستخط کرا کے چھوڑ دیا، پاکستان نے بھارتی حکام سے شدید احتجاج ریکارڈ کروا دیا۔ تفصیل کے مطابق بھارت میں پاکستانی سفارتی اہلکار کو گرفتار کرلیا گیا جس پر پاکستانی ہائی کمیشن کی طرف سے شدید احتجاج کیا گیا، پاکستانی ہائی کمیشن کے احتجاج پر پاکستانی سفارتی اہلکار کو رہا کردیا گیا لیکن اس کو رہا کرنے سے پہلے اس سے ایک نوٹ پر زبردستی دستخط کرائے گئے۔ پاکستان نے بھارت کی اس حرکت پر شدید احتجاج کیا ہے اور کہا ہے کہ بھارتی حکام کا اقدام ویانہ کنونشن کی کھلم کھلا خلاف ورزی ہے، پاکستان بھارت کی اس حرکت کا جواب دینے کاحق محفوظ رکھتا ہے۔