ڈرامہ سیریل ”کن فیکون“ کےخلاف تحریک زور پکڑ گئی

کراچی (ویب ڈیسک)مومل پروڈکشن اور ایم ڈی پروڈکشن کے ڈرامے ”کن فیکون“ کےخلاف تحریک نے زور پکڑ لیا۔ سوشل میڈیا پر زبردست انداز میں ڈرامے کے نام کے خلاف تحریک میں لاکھوں صارفین نے پیمرا سے ڈرامے کو بند کرنے کا مطالبہ کردیا۔ تفصیلات کے مطابق مومل پروڈکشن اور ایم ڈی پروڈکشن کے تحت بننے والا نیا ڈرامہ سیریل کن فیکون کے نام سے آن ائیر ہوا ہے جس پر عوام کی جاناب سے اس کے نام پہ کافی اعتراض کیا جارہا ہے۔ تاہم اعتراضات کے باوجود انتظامیہ نے نام بدستور وہی رکھا ہوا ہے۔ واضح رہے کہ ”کن فیکون“ محض عربی زبان کا لفظ نہیں۔ یہ اللہ تعالیٰ کی قوت تخلیق کے لیے مخصوص ہے۔ قرآن مجید میں متعدد مقامات پر ان الفاظ کے ذریعے اللہ تعالیٰ نے اپنی قدرت کا اظہار کیا ہے۔ مقدس نام کے پس منظر میں اس ڈرامے پر سوشل میڈیا پر کافی بحث جاری ہے۔ جو کہ ایک تحریک کی صورت اختیار کرتی جارہی ہے۔