مخصوص ویب سائٹس پر جانے سے آئی فون ہیک

(ویب ڈیسک)دنیا بھر میں مقبول سرچ انجن گوگل کی ٹیم نے انکشاف کیا ہے کہ مخصوص ویب سائٹس پر جانے سے آئی فون کو ہیک کیا جا سکتا ہے اور ایسا رواں سال کے آغاز تک ہو رہا تھا۔گوگل محقیقن کے مطابق مخصوص آئی فون صارفین جیسے ہی مخصوص ویب سائٹس پر جاتے ان کا فون ہیک کر کے تمام معلومات چرا لی جاتی تھیں۔ہیکرز ہر ماڈل کے آئی فون میں ایک مانیٹرنگ امپلانٹ انسٹال کر کے تمام ڈیٹا بیس فائلز، تصاویر، ویڈیوز اور پیغامات تک رسائی حاصل کر سکتے تھے۔گوگل کے پراجیکٹ زیرو میں شامل ایک ہیکر نے اپنے بلاگ میں لکھا کہ ویب سائٹ پر وزٹ کرنے پر ہی نامعلوم عناصر انہیں خاموشی سے ہیک کرلیتے اور انہیں واٹس ایپ، آئی میسج اور ٹیلیگرام سمیت دیگر تک رسائی حاصل ہو جاتی تھی۔ہیکرز ا?ئی فون میں جی میل اور گوگل ہینگ آﺅٹس کے مواد کی جاسوسی کرتے، کانٹیکٹس دیکھ سکتے اور صارف کی لائیو جی پی ایس لوکیشن ٹریکر کو بھی دیکھ سکتے۔پروجیکٹ میں شامل ہیکر نے کہا کہ ہیکرز دو سال سے ا?ئی فون ہیک کر رہے تھے اور یہ سلسلہ 2019 کے ا?غاز تک جاری رہا۔