لاہو ر (ویب ڈیسک) ویب سائٹ فیس بک کی پرائیویسی کا ایک اور اسکینڈل سامنے آیا جس میں 40 کروڑ سے زائد اکاو¿نٹس سے منسلک فون نمبرز آن لائن جاری کردیے گئے۔فرانسیسی خبررساں ادارے اے ایف پی کی رپورٹ کے مطابق منظر عام پر آے والے سرور میں 41 کروڑ 90 لاکھ صارفین کے نمبر اور ڈیٹا بیس محفوظ تھا۔اس ڈیٹا بیس میں فیس بک صارفین کی آئی ڈیز، ہر اکاو¿نٹ سے منسلک اعداد، پروفائل میں استعمال ہونے والے نمبر، صارفین کی صنف، موجودگی کا مقام بھی شامل تھا۔اس میں سے 13 کروڑ 30 لاکھ اکاو¿نٹس امریکا، 5 کروڑ اکاو¿نٹس ویت نام، ایک کروڑ 80 لاکھ اکاو¿نٹس برطانیہ سے تعلق رکھتے تھے۔افشا ہونے والا سرور پاسورڈ سے محفوظ نہیں تھا جس کا مطلب ہر کوئی ڈیٹا بیس تک رسائی حاصل کرسکتا تھا اور یہ اس وقت تک آن لائن رہا جب تک ٹیکنالوجی کی ویب سائٹ ٹیک کرنچ نے ان سے رابطہ نہیں کیا۔دوسری جانب فیس بک نے ان رپورٹس کے کچھ حصوں کی تصدیق کی لیکن منظر عام پر آئے اکاو¿نٹس کی تعداد کو کم بتاتے ہوئے کہا کہ اب تک تصدیق ہونے والے اکاو¿نٹس کی تعداد 41 کروڑ 90 لاکھ سے نصف ہے۔
40 کروڑ فیس بک صارفین کے فون نمبرز آن لائن لیک ،صارفین نے سر پکڑ لئے
