آسیہ مسیح کا فرانس میں بیٹھ کر توہین رسالت قانون کیخلاف مہم چلانے کا اعلان

لاہور (خصوصی رپورٹ) آسیہ مسیح کی پاکستان سے بیرون ملک روانگی سے پہلے ہی خدشات ظاہر کئے جارہے تھے کہ بیرون ملک جاکر وہ پاکستان کیخلاف استعمال ہوگی، یہ خدشات اب حقیقت بن گئے ہیں، توہین رسالت کے الزام میں ماتحت عدالت اور لاہور ہائی کورٹ سے سزائے موت پانے اور پھر سپریم کورٹ سے بریت کے بعد بیرون ملک جانے والی آسیہ نورین کو پاکستان میں تحفظ ناموس رسالت کا قانون تبدیل کرنے کیلئے استعمال کرنے کا آغاز ہوگیا ہے، آسیہ نے گستاخان رسالت کے خلاف قانون بدلنے کی باقاعدہ مہم کا آغاز چینل فرانس 24س کودیئے گئے ایک انٹرویو سے کیا انٹرویو میں اس نے وزیراعظم عمران خان سے مطالبہ کیا کہ وہ قانون رسالت قانون ختم یا تبدیل کریں، ایک مسیحی جریدے کو انٹرویو میں آسنیہ نے تحفظ ناموس رسالت سے متعلق قوانین کے خلاف ہرزہ سرائی کی اور کہا کہ فرانس میں بیٹھ کر وہ اس قانون کیخلاف جنگ کی قیادت کرنا چاہتی ہے۔ یہ انٹرویو فرانسیسی صدر ایمانوئل میخون سے ملاقات کے وقت ریکارڈ کیا گیا۔ اس انٹرویو میں صدر ایمانوئل نے آسیہ کی پناہ کی درخواست کی غیر رسمی منظوری بھی دی جس کا باضابطہ فیصلہ ایک کمیٹی کریگی، آسیہ نے فرانس صدر سے ملاقات کے بعد اپنی زندگی کی پہلی پریس کانفرنس بھی کی جس پر اسکے حامی بعض مسیحی مذہبی جرائد نے خاصے اطمینان کا اظہار کیا تھا آسیہ نے توہین رسالت قانون پر انٹرویوز کے دوران ڈھکی چھپی تنقید کی مگر فرانسیسی صدر کے ملاقات کے موقع پر وزیراعظم عمران خان کا نام لے کر کھلے الفاظ میں اس کی مذمت خاتمے اور تبدیلی کا مطالبہ کیا انٹرویو کے آغاز میں آسیہ ایک مظلوم عورت کے طور پر سامنے آئی پھر کہا وہ 8سال جیل میں رہی ساتھ ہی بات بدلی اور 10سال جیل میں رہنے کا دعویٰ کیا جیل میں محافظوں کے تشدد کا بھی الزام لگایا، انٹرویو کرنے والے نے یہ ثابت کرنے کی کوشش کہ محض پانی کے جھگڑے پر توہین رسالت کا مقدمہ بنایا گیا آسیہ نے کہا جو میرے ساتھ ہوا وہ دوسرے لوگوں کے ساتھ بھی ہورہاہے، تبدیلی آنی چاہیے اور ایسا نہیں ہونا چاہیے ایک جریدے کو انٹرویو میں اس نے کہا کسی کو بھی توہین پر سزا نہیں ہونی چاہیے میرے خیال میں اسلام میں اصلاح کی ضرورت ہے۔ پوپ اور ہم سب مل کر مذہبی آزادی کی دعا کریں، آسیہ نے بالاخر آزاد کے عنوان سے ایک کتاب بھی لکھی ہے جس میں دعویٰ کیا ہے کہ دوران قید اس پر اسلام قبول کرنے کیلئے دباﺅ ڈالا گیا مگر وہ اپنے عقیدے پر ڈٹی رہی آسیہ نے اسلام اور پاکستان کے ساتھ فرانس میں مقیم تارکین وطن کے بارے میں نفرت کا اظہار کیا۔ جس بڑے پیمانے پر آسیہ کے انٹرویو شائع ہورہے ہیں اور ان میں نفرت کا اظہار کیا جارہا ہے خدشہ تارکین وطن پاکستانیوں کو اس کا خمیازہ نہ بھگتنا پڑے۔